WERK - GLO - WEN
By CVO Gromar Landbou Academie streef ons om dinamiese leiers to wees in die Christelike opvoeding en onderrig van ons naseslag.
Welkom by CVO Gromar Landbou Akademie
By CVO Gromar Landbou Akademie streef ons om dinamiese leiers te wees in die Christelike opvoeding en onderrig van ons nageslag.
Die skool voldoen aan die CAPS sowel as IEB standaarde met 'n verrykende BCVO sillabus. Dit gee ons leerlinge die voordeel om met 'n IEB Nasionale Senior Sertifikaat in Suid-Afrika of oorsee te kan gaan studeer.
Dit is ons taak om ’n leerling as mens voor te berei vir die beroepslewe na skool en ‘n trots vir die eie te kweek sodat elke leerling hulle plek kan volstaan in die samelewing.
Meer oor CVO Gromar
As jy deur die skool se geskiedenis reis, sal jy sien dat Loskopdam ‘n groot rol in die omgewing van die skool speel. Sedert 1997, met die stigting van die skool, het Loskopdam se damwal van 497m ‘n prominente riglyn verskaf vir die skool se dryfkrag na goeie waardes, deeglike beplanning en ‘n stewige fondament, gebou op trotse Afrikanerskap. Net soos elk van die 2427.7 kubieke meter van die dam se water kosbaar is vir die ontwikkeling van die omgewing en die uitbouing van landbou in die Loskopvallei, is elkeen van die leerlinge in CVO Gromar Landbou Akademie kosbaar vir die toekoms van ons land en Afrikanervolk.
By CVO Gromar streef ons om:
- ‘n Bekostigbare uitnemende onderrigdiens wat gebaseer is op hoë standaarde deur goed gekwalifiseerde ervare, lojale onderwysers daar te stel.
- ‘n Ondersteuningsdiens aan leerlinge te lewer en te probeer verseker dat ’n leerling as gebalanseerde volwassene voorberei word.
- ‘n Effektiewe bestuur- en administratiewe stelsel daar te stel.
- Soveel geleenthede op verskillende gebiede moontlik aan leerlinge te gee.
- Ten alle tye professioneel en met hoë integriteit op te tree.
Waarom moet ek deel word van CVO Gromar?
- Hoë standaarde ten opsigte van onderrig, vakinhoude, dissipline en netheid word gehandhaaf.
- Kleiner klasgroepe verseker individuele en kwaliteit aandag sodat u kind gevorm word tot ‘n beginselvaste, gedissiplineerde mens.
- ‘n Matriekeindeksamen met volle universiteitsvrystelling en internasionale erkenning word aangebied onder leiding van die BCVO waar van die IEB Eksamenliggaam gebruik gemaak word.
- Verskeie kultuuraktiwiteite en sport word aangebied om ‘n gebalanseerde skoolervaring te skep.
Ter wille van ons kinders
Is u bekommerd oor u kind se toekoms? Dan nooi ons u om deel te wees van die BCVO-Beweging met sy dinamiese leuse: "TER WILLE VAN ONS KINDERS" Vir meer inligting oor die BCVO-beweging volg gerus hierdie skakel: